Nuusbrief 2019-10-17: Agt beste maniere om eksamenstres hok te slaan

Ons nader nou die tyd van afronding en afsluiting en vir baie mense is dit skouer aan die wiel sit of kop laat sak en voortbeur. Vir ander weer is dit skaars kop bo water hou.

Dan is daar mos die gelukkiges onder ons wat in rustige vaarwaters alles onder beheer het. Die rede daarvoor is: hulle bestuur die omstandighede waarin hul verkeer!

Om die druk en spanning wat jy beroepsgewys ervaar, die hoof te bied, moet jy geleenthede aangryp wat na jou kant toe kom. So is daar hierdie maand ‘n hele paar seminare wat ons onderwysers professioneel toerus. Skryf in terwyl daar nog plek is!

• Robotika Gauteng – 19 Oktober 2019 (Prakties en geïntegreerd met die klaskamer)
• Robotika Wes-Kaap – 22 Oktober 2019 (Prakties en geïntegreerd met die klaskamer)
• Handelsvak-seminaar – 24 Oktober (Sprekers: Elmarie Kotze en Tzana Hemmens)
• Tegniese Seminaar – 28 Oktober 2019 (In samewerking met Sol-Tech)
• SOSV-Seminaar – 29 Oktober 2019 (Motiveringspreker: Elsabe Aldrich)