Verenigings
Inligting en koste
Elke vereniging bied unieke voordele soos werkkaarte, toetse en eksamenvraestelle met nasienriglyne en word aan lede beskikbaar gestel deur Die Wolkskool in die vorm van Raadsale.
Alle lede het ook toegang tot die Vraagbank.
Voordele van lidmaatskap
Enige individu binne die onderwyssektor mag as ‘n lid aansluit by die SOS deur ‘n lid te wees van Solidariteit Onderwysernetwerk (SON)
- Solidariteit-lede geniet toegang tot SOS-hulpbronne en Wolkskool (slegs onderwysers)
- Gratis bywoning van seminare, webinare, slypskole en basislynassessering
- SARO-bywoningsertifikate
- 20%-afslag vir die SOS-Kongres
- Toegang tot die Vraagbank
- Volle toegang tot Solidariteit Leer
- Alle Solidariteit Onderwysernetwerkvoordele, o.a. Arbeidsdienste (Solidariteit-lidmaatskap: R190 per maand)
Sien koste hier:
Vrae en antwoorde
1. Hoe werk aansluiting by die SOS?
Skole sluit as geheel met hul volle personeel aan by SOS. Individuele onderwysers van nie-lidskole kan slegs toegang verkry indien hul by Solidariteit Onderwysernetwerk inskakel – klik hier.
2. Hoe lank is lidmaatskap van ‘n skool geldig en is dit nodig om elke jaar te herregistreer?
Skole wat aansluit by SOS bly jaarliks outomaties ‘n lid van die SOS en ontvang al die uitgebreide voordele. Skole hoef dus nie jaarliks deur ‘n herregistrasieproses te gaan nie. Skole sal deur die stelsel outomaties hul jaarlikse faktuur ontvang. Kansellasie van lidmaatskap, geskied slegs per brief met ‘n maand kennisgewing voor verstryking van jaarlikse betaling van lidmaatskap.
3. Waar kan skole registreer?
Op die SOS se webblad by www.skole.co.za of kontak [email protected].
4. Watter personeellede van die skool ontvang die voordele van SOS-lidmaatskap?
Alle onderwysers, administratiewe- en bystandspersoneel ontvang ALLE voordele wat SOS aanbied.
Met registrasie sal daar ’n skakel na ’n aanlyn vorm wees waarop elke personeellid se besonderhede voltooi moet word. Die skool se SOSV óf genomineerde kontakpersoon wat die registrasie namens die skool gaan behartig, moet asseblief al die nodige inligting invul.
Indien inligting nie volledig voltooi is nie, sal dit die toegangsproses tot die nuwe platform vertraag.
Inligting wat verlang word vir aansluiting: Naam & van; ID-nommer; selfoon-nommer; SARO/SACE-nommer; e-posadres en posisie.
5. Hoe verkry die personeel toegang tot die platform en gepaardgaande voordele?
Sodra die skool se kontakpersoon die skool registreer, sal die stelsel ‘n faktuur genereer en ‘n spreiblad van personeel se besonderhede aanvra wat deur die skool se genomineerde persoon voltooi en ingedien moet word. Indien inligting nie volledig voltooi is nie, sal die toegangsproses tot die platform vertraag word.
Sodra alle inligting ontvang is, sal die stelsel outomaties ‘n e-pos na elke personeellid stuur waarin die proses om ‘n individuele profiel te skep verduidelik word. Sodra die individu se profiel geskep is, vind aktivering onmiddellik plaas en die personeellid kan sy voordele begin gebruik.
6. Buiten vakgerigte hulpbronne (eksklusief vir onderwysers), watter nuwe voordele is daar vir skole om aan te sluit?
Toegang as onderwyser tot al die Wolkskool se video’s, werkkaarte, assesserings en elektroniese handboeke. Basislyn assesserings vir grade 5 tot 10. Toegang tot WolkskoolDirek waar die onderwysers ekstra klasse teen vergoeding aan ander leerlinge kan bied.
7. Op watter leerlingtal word daar gewerk ten einde die skool se betaling bedrag te bepaal?
Skole betaal volgens die totale aantal Afrikaanse leerlings in die skool, soos bepaal deur die skool se 15de skooldagstatistiek. Skole met hul eie kleuterskole, kan self besluit of hulle die kleuterskool apart wil laat registreer of eerder as deel van die skool (kleutergetalle ingereken by skoolgetalle).
8. Waarvoor moet my skool alles begroot vir SOS in 2025?
Buiten jaarlikse skoolregistrasie-gelde, kan skole begroot om personeel te stuur na SARO-geakrediteerde SOS-seminare @ R350 per persoon en die SOS se jaarlikse Nasionale Onderwyskongres (laaste skoolweek van kwartaal 2), waar SOS-lidskole 20% afslag sal ontvang.
9. Watter voordele sal daar vir die skool se skakelpersoon of SOS-verteenwoordiger wees?
Verteenwoordigers ontvang 50% afslag vir bywoning van die Nasionale SOS-kongres.
10. Waar kan ek enige verdere navrae rig?
Stuur gerus ‘n e-pos aan [email protected].
Verenigings/Raadsale
Afrikaanse Grondslagfasevereniging (AGV)
Grondslagfase: Graad R tot 3
E-pos: [email protected]
Afrikaanse Handelsvakvereniging (AHV)
Rekeningkunde, Besigheidstudies en Ekonomie: Graad 8 – 12
E-pos: [email protected]
Algemene Onderwysvereniging (AOV)
Algemene vereniging vir alle personeellede
E-pos: [email protected]
Dr. Japie van Zyl-robotikavereniging (JAPIE)
Robotika en Kodering
E-pos: [email protected]
Genootskap vir regte Afrikaanse Taalonderwysers (GeRAT)
Afrikaans Huistaal: Graad 4 – 12
Afrikaans Eerste Addisionele Taal: Graad 4 – 12
E-pos: [email protected]
Kleuterskoolvereniging (KV)
Kleuterskoolbestuur en -personeel
E-pos: [email protected]
Leierskapsvereniging (LV)
Skoolhoofde, adjunkhoofde en departementshoofde
E-pos: [email protected]
Rassie Erasmus-sportvereniging (SPORT)
Sportafrigters en -organiseerders
E-pos: [email protected]
Sosiale Wetenskappe-vereniging (SW)
Geskiedenis, Geografie en Sosiale Wetenskappe: Graad 4 – 12
E-pos: [email protected]
Tegniese Vakke-vereniging (TV)
IGO, Elektriese Tegnologie en Tegnologie
E-pos: [email protected]
Vereniging vir Afrikaanse Wiskundeonderwysers (VAW)
Wiskunde, Wiskundige Geletterdheid en Tegniese Wiskunde: Graad 4 – 12
E-pos: [email protected]
Engels Eerste Addisionele Taal Vakvereniging (ENG)
Engels EAT: Graad 4 – 12
E-pos: [email protected]
Vereniging vir Onderwysers van Lewensoriëntering (VOLO)
Lewensoriëntering: Graad 7 – 12
E-pos: [email protected]
Kunsvereniging (KUNS)
Visuele kuns: Graad 7 – 12
E-pos: [email protected]
Landbouvakvereniging (LBV)
Landbouwetenskap, -bestuurspraktyk en -tegnologie: Graad 10 – 12
E-pos: [email protected]
Met gehalteonderrig bou ons 'n volhoubare toekoms
Kontak ons
As jy enige vrae het of meer inligting oor die SOS benodig, vul gerus ons kontakvorm in. Ons span is gereed om jou te help en enige navrae so spoedig moontlik te beantwoord. Ons sien uit daarna om saam met jou te werk en die toekoms van Christelike, Afrikaanse onderwys verder te bou.
