Woordeboeke: ‘n Onmisbare bondgenoot in die klas

Deur Henk Viljoen

 Streekskoleverkoopbestuurder: NBUitgewers

In ’n wêreld waar kommunikasie en taalvaardighede hoog op die lys van sukses is, kan ’n woordeboek ’n onmisbare bondgenoot in die klaskamer wees – vir onderwysers én leerders. ’n Woordeboek behoort veel meer as ’n stowwerige boek op ’n rak te wees – dit kan die deur na ’n wêreld van woorde en betekenisse oopsluit.

Woordeboeke help met die uitbreiding van woordeskat, verbeter spelling en grammatika, bevorder selfstandige leer, plaas woorde in konteks en bevorder taalbewustheid en leesbegrip.

Daar is natuurlik ’n magdom woordeboeke beskikbaar, waaoronder verklarende en tweetalige woordeboeke. Hoe weet ’n mens watter woordeboek die geskikste vir jou klaskamer is?

Pharos het ’n nommerpas tweetalige woordeboek vir elke fase. Die Pharos Grondslagfasewoordeboek is spesiaal saamgestel vir graad 1 tot graad 3, met die oorgang na graad 4 in gedagte. Leerders raak op ’n eenvoudige manier vertroud met hoe ’n vertalende woordeboek werk, sodat hulle woordeboeke in later fases met selfvertroue kan gebruik.

Screenshot 689

Pharos se Junior tweetalige skoolwoordeboek is geskik vir leerders van graad 4 tot graad 7. Dit bevat sowat 5000 Afrikaanse en Engelse trefwoorde, met voorbeeldsinne, sinonieme, antonieme, homonieme en homofone, asook idiome, spreekwoorde en intensiewe vorme. Boonop kan die gebruiker ook die versamelname, die manlik en vroulik en selfs dieregeluide naslaan.   

Die gewilde Pharos tweetalige skoolwoordeboek is by uitstek geskik vir gebruik in die Senior Fase. Dit bevat meer as 11 000 Afrikaanse en Engelse trefwoorde met vertalings en voorbeeldsinne wat konteks illustreer, asook talle frases. ’n Grammatikabylaag voeg verdere waarde toe.

Pharos se splinternuwe Senior tweetalige skoolwoordeboek (beskikbaar vanaf Oktober 2023) is geskik vir leerders in graad 10 tot 12 wie se moedertaal Afrikaans óf Engels is, asook vir leerders wat Afrikaans of Engels as addisionele taal aanleer. Hierdie hulpbron bevat meer as 50 000 trefwoorde, afleidings en samestellings  in Afrikaans en Engels, help met taalkwessies en brei woordeskat uit.

In die digitale era maak Pharos ook voorsiening vir woordeboeke in elektroniese formaat. Skole kan jaarliks op PharosAanlyn inteken en toegang tot verskeie woordeboeke, woordelyste en stylgidse op die internet verkry. Die Afrikaanse Woordelys en Spelreëls en Afrikaansgids is in druk sowel as aanlyn beskikbaar.

Dan is daar natuurlik ook die Tesourus van Afrikaans en Spreekwoorde en ander segswyses wat vlymskerp alternatiewe bied om leerders se stelwerk van die alledaagse na die bogemiddelde te verhef.

Vir meer inligting gaan gerus na Pharos se webwerf by www.nb.co.za of kontak ons  by [email protected] vir ’n woordeboekwerkswinkel in jou area en ontdek die mag van woorde in jou klaskamer.


Tags

Henk Viljoen, NB-uitgewers, SOS, woordeboeke


Lees meer...

Storielees tuis

Storielees tuis