SOS MAAK ONDERWYSERS SE LAS LIGTER

Die Solidariteit Skoleondersteuningsentrum (SOS) spog tans met 12 verenigings.

Dié verenigings bied ‘n tuiste aan rolspelers in ons kinders se opvoeding en bied professionele ondersteuning en persoonlike ontwikkelingsgeleenthede. Die SOS voorsien hulp en ondersteuning in die vorm van hulpbronne soos werkkaarte, toetse, assesseringstake en voorbeeldvraestelle aan verskeie vakverenigings.

 

Visie

Die visie van die Opleidingsafdeling van die SOS is om die beste gehalte opleiding en hulpbronne vir Afrikaanse onderwysers in Suid-Afrika te bied en sodoende Afrikaanse onderrig van wêreldgehalte te behou en te verseker.

 

Missie

Om deur middel van vakverenigings goeie gehalte hulpbronne aan lede te verskaf, tesame met goeie gehalte opleiding tydens ontbyte, middagseminare, eendagseminare en kongresse. Tydens die Covid-inperking is bied die vakverenigings GRATIS hoë-gehalte webinare aan waarvoor onderwysers kan SACE-punte verdien.

 

Skoolhoofde, adjunkhoofde en departementshoofde

Kleuterskoolbestuur en -personeel

Sportafrigters en -organiseerders

Grondslagfase: Graad R – 3

Rekeningkunde, Besigheidstudies en Ekonomie: Graad 8 – 12

Afrikaans Huistaal: Graad 4 – 12

Wiskunde, Wiskundige Geletterdheid en Tegniese Wiskunde: Graad 4 – 12

Natuurwetenskappe, Fisiese Wetenskappe en Lewenswetenskappe: Graad 4 – 12

IGO, Meganiese, Elektriese en Siviele Tegnologie

Sosiale Wetenskappe, Geskiedenis en Geografie

Robotika en Kodering

Algemene vereniging vir alle ander personeellede

SOS-verenigings: Algemene inligting

Elke vereniging bied unieke voordele soos werkkaarte, toetse en eksamenvraestelle met nasienriglyne en word aan lede beskikbaar gestel deur die onderwysportaal (onderwysers.co.za). Sien die lys van SOS-lidmaatskapvoordele onderaan.

Koste van lidmaatskap aan verenigings:

  • Individuele lidmaatskap per onderwyser, per vereniging, per jaar: R239

Lidmaatskap is slegs vir onderwysers verbonde aan ’n skool, tuisskoolouers, studente en onderwysassistente.

Studente en onderwys-assistente sluit aan teen afslagprys per vakvereniging:

  • Sudent/onderwysassistent: R116

Grondslagfase-onderwysers mag slegs vir een graad aansluit.

VOORDELE VAN LIDMAATSKAP:

  • Toegang tot alle hulpbronne op die SOS se onderwysersportaal by onderwysers.co.za
  • Gratis bywoning van middagseminare (waarde – R301 per seminaar vir nie-lede)
  • Gratis aanlyn SARO-kursusse (waarde – R201 per kursus vir nie-lede)
  • Afslag by kongresse (sien Nasionale kongres – Gauteng en Streekskongres – Wes-Kaap)
  • Addisionele voordele vir die Skoleondersteuningsentrum-verteenwoordiger (SOSV): gratis lidmaatskap by een vakvereniging en afslag van R500 by die kongres.

Vir meer inligting, kontak vir Colette Scott by [email protected].

Sluit vandag aan by 'n vakvereniging!