Ons maak seker Afrikaanse skole het ‘n

TOEKOMS

Die Skoleondersteuningsentrum (SOS) se visie is om die toekoms van christelike, Afrikaanse onderwys te (help) verseker deur gehalte onderrig wat reeds bestaan in stand te (help) hou, én waar nodig nuut te (help) bou.

Afrikaanse skole in Suid-Afrika vaar uitstekend op elke opvoedkundige terrein. Te midde van druk vanuit verskeie oorde, bly Afrikaanse skole steeds eilande van uitnemendheid wat vir ouers waarde vir geld en vir leerders ’n skoolloopbaan van wêreldgehalte bied. Die SOS werk om elke skool in ons land, waar onderrig in Afrikaans aangebied word, by te staan om in die toekoms steeds onderrig van wêreldgehalte te bly bied. Ons fokus hoofsaaklik op die ondersteuning en ontwikkeling van Afrikaanse onderwysers. Ons glo dat hierdie belegging ’n hoë opbrengs lewer – suksesvolle leerders wat hul skoolloopbaan voltooi met verskeie keuses vir tersiêre opleiding en beroepe. Soos die McKinsey verslag uitwys: ’n Onderwysstelsel is net so goed soos die gehalte van sy onderwysers!

Moenie toelaat dat huidige ekonomiese en politieke realiteite jou toekomshoop laat ontspoor nie.

Sluit vandag aan by die Skole-ondersteuningsentrum.