Waarom 'n denkvaardigheidstoets?
Die Denkvaardigheidstoets (DVT) vir graad 4 tot 9 is die Skoleondersteuningsentrum (SOS) se poging om ʼn konkrete verskil te maak op die manier waarop ons onderrig om leerders gereed te maak vir ʼn toenemend veranderende wêreld.
Die klem is op die ontwikkeling van denkvaardighede eerder as op die blote versameling van kennis en die weergee daarvan in toetse en eksamens.
Die impak op ons kinders se toekoms
Ons kan nie die veranderinge in die wêreld vermy nie, maar ons kan ons kinders voorberei om dit suksesvol te trotseer.
Geïntegreerde inhoud
Die DVT gebruik die internasionaal erkende Australian Council for Educational Research (ACER) se raamwerk vir kritiese denkvaardighede, wat ʼn geïntegreerde benadering met die bestaande kurrikulum benadruk.
Vrae en antwoorde
Die SOS se Denkvaardigheidstoets (DVT) is 'n belangrike instrument wat skole en individue kan gebruik om die kritiese denkvaardighede van leerders te meet. In 'n wêreld wat vinnig verander en waar die toekoms onseker is, is dit van kritieke belang dat leerders toegerus is met vaardighede soos kreatiwiteit en kritiese denke. Hierdie toets bied 'n objektiewe manier om die ontwikkeling van hierdie vaardighede te meet en om te verseker dat ons leerders die nodige vaardighede besit om suksesvol te wees in die toekoms.
Die DVT is die SOS se poging om ʼn konkrete verskil te maak op die manier waarop kinders onderrig en gereed gemaak word vir ʼn toenemend veranderende wêreld. Die klem is op die ontwikkeling van denkvaardighede eerder as op die blote versameling van kennis en die weergee daarvan in toetse en eksamens. Deur kinders op hoër denkvlakke te toets, sal onderrig ook op hoër vlakke plaasvind. Hoër denkvlakke behels die insameling van kennis en vaardighede, die toepassing daarvan in die praktyk, om verbande tussen inligting te lê, kennis en vaardighede te evalueer en daaruit nuwe oplossings te skep vir komplekse probleme wat ons wêreld toenemend in die gesig staar.
Alle leerders wat al die vrae DVT beantwoord het, en wat die toets slegs een keer geskryf het, sal deel word van die data wat op die verslag verskyn.
Die ouerverslag gee ʼn uiteensetting van die kind se sterkste kritiese denkvaardighede sowel as kritiese denkvaardighede wat aandag nodig het. In beide gevalle word aanbevelings gemaak hoe om dit te verbeter.
Die skoolverslag is ryk aan inligting en gee ʼn geheeloorsig oor die tendense en patrone van denkvaardighede in die skool en vergelyk dit met akademiese prestasie sowel as skoolervaring. Die verslag bevat ook waardevolle aanbevelings vir onderwysers hoe om binne die geheelperspektief die regte vrae te stel hoe om kritiese denkvaardighede van leerders optimaal te ontwikkel.
Die DVT is beskikbaar aan leerders in die intermediêre en senior fase, dit wil sê vir leerders in graad 4 tot 9.
Ter wille van billikheid maak ons die tyd onbeperk, maar vir die logistiek kan jy reken op ʼn halfuur. Hier is die statistieke van 600 kinders per graad wat die DVT in Julie 2024 afgelê het. Dit behoort jou ʼn goeie idee te gee hoe lank hulle sal skryf. Trek gerus die patroon deur na graad 7, 8 en 9.
Daar is skole wat vir die dag selfone en tablette toegelaat het, en vir dié leerders wat dit nie saamgebring het nie, is die rekenaarsentrum ingespan. Verskillende klasse het beurtelings deur die loop van die dag die DVT geskryf. Dit het vlot verloop en die grootste probleem was kinders wat nie hul wagwoorde kon onthou nie. Die SOS-personeel het hul bygestaan om dit vinnig op te los.
sosiale media
SOS-skenkingsfonds
Jou skenking kan help om Afrikaanse onderwys van wêreldgehalte in die langtermyn te help verseker.
©2024 Skoleondersteuningsentrum
| Bepalings en voorwaardes | Privaatheidsbeleid | Handleiding vir toegang tot inligting |