Stel jou voor: Jou skool se span draf op, die skare is aan die juig, die atmosfeer is elektries… Elke oomblik, elke beweging, elke wen-doel word helder vasgevang onder kragtige ligte wat niks wegsteek nie. Afrison se Industriële Stadionlig is nie net nog ’n lig nie – dit is spesiaal ontwerp vir sportvelde en ander buitelugfasiliteite wat afhanklik is van betroubare, kragtige beligting. Met Afrison se beligting, lig jy jou sportveld én jou skool se profiel na die volgende vlak.
Afrison se gevorderde LED-tegnologie verseker dat elke duim van jou veld helder en eweredig verlig word. Met ‘n uitmuntende Colour Rendering Index (CRI) kan elke sportoomblik perfek vasgevang word – of dit nou deur ’n kameralens of ’n selfoon is – ideaal vir hoëgehalte fotografie en 4K-uitsending. Die verstelbare ligbane en modulêre ontwerp van die stadionlig verseker geoptimaliseerde ligverspreiding wat helderheid en sigbaarheid regdeur die hele veld behou. Of dit nou ‘n rugbywedstryd, sokkerfinaal of aandatletiek is – die spel sal voortgaan lank ná sononder, sonder steurende skaduwees of swak sigbaarheid.
Dink jy “helder” beteken “duur”? Glad nie. Ons industriële stadionligte is ontwerp om energie doeltreffend te werk, wat beteken jy kry maksimum beligting teen die laagste moontlike koste. Die innoverende argitektuur maak dit moontlik om meer ligte op bestaande pale te installeer, wat verdere kostebesparings meebring. Dis ’n slim langtermynbelegging vir enige skool wat sy uitgawes doeltreffend wil bestuur.
Ons pas ons ligontwerpe aan om te voldoen aan internasionale beligtingsstandaarde, wat nie net optimale beligting verseker nie, maar ook die veiligheid van jou veld verhoog. Veiligheid is ’n prioriteit by Afrison, en daarom bied ons ’n opsionele ingeboude veiligheidskabel aan wat verseker dat die ligte nie sal val en skade aanrig nie. Afrison se stadionligte kan ook geïntegreer word met slim IoT-beheersagteware, wat dit moontlik maak om die ligte vanaf ’n mobiele toestel te beheer. Ons bied ’n 7-jaar waarborg op ons industriële stadionligte, en na afloop van die waarborg is die elektroniese komponente steeds vervangbaar (T&C’s van toepassing).
Afrison verstaan dat begrotings beperk is. Daarom bied ons buigsame finansieringsopsies aan wat jou in staat stel om jou sportfasiliteite op te gradeer sonder ’n groot eenmalige uitgawe . Ons span werk saam met jou om ’n plan te skep wat sin maak vir jou skool. Goeie lig bring meer as net sigbaarheid, dit bring moontlikhede. Met behoorlike beligting kan jou skool aandwedstryde aanbied en interskole geleenthede huisves. Dit trek nuwe geleenthede, verhoog jou skool se sigbaarheid en gee leerders die geleentheid om hul talente te wys. Dis nie net ’n tegniese opgradering nie – dis ’n belegging in trots, prestasie en die toekoms.
Gereed om jou veld te laat skitter? Kontak ons vandag vir ‘n gratis konsultasie.
Jou veld. Jou lig. Jou skool se tyd om te skyn!
*Afrison is vanjaar weer een van die hoofborge van die SOS se Nasionale Kongres.
